ထိုမြို့လေးသို့ အလည်ရောက်ခဲ့တုန်းက ထိုမြို့လေးတွင် သူမ နေဖြစ်လိမ့်မည်ဟု လုံးဝ မစဉ်းစားခဲ့မိ။ အလုပ်ကိစ္စကြောင့်သာ ထိုမြို့လေးသို့ ရောက်ဖြစ်ခဲ့ခြင်း ဖြစ်သည်။ ရောက်တော့လည်း တောင်ကုန်းအထပ်ထပ်နှင့် ပင်လယ်နှင့်နီးသော မြို့ကလေးက သူမအား အခြေချနေထိုင်ရန် မဆွဲဆောင်နိုင်ခဲ့။ သူမ ပင်လယ်ကို ချစ်သည်မှန်သော်လည်း သူမနေထိုင်သော တိုင်းပြည်မှာ ဘယ်မြို့မှာပဲနေနေ ပင်လယ်နှင့် မိုင် ၅၀ ထက် ပိုမဝေးသောကြောင့် ပင်လယ်သို့ အပတ်စဉ်သွားလိုက သွားနေနိုင်သည်ပဲလေ။ သို့သော် အလွန်အားပြင်းသော မုန်တိုင်းတစ်ခု သူမ၏ ဘ၀ထဲသို့ ၀င်ရောက်တိုက်ခတ်သွားပြီး အလဲလဲအပြိုပြို ဖြစ်နေချိန်မှာ ထိုမြို့ကလေးသို့ ဒုတိယအကြိမ် အလုပ်ကိစ္စဖြင့် သူမ ရောက်ခဲ့ရပါသည်။ ရုံးမှ သူမနေထိုင်ရန်အတွက် တောင်ကုန်းပေါ်မှ အထပ်မြင့် တိုက်တစ်လုံး၏ တိုက်ခန်းတစ်ခန်းတွင် စီစဉ်ပေးထားသည်။ ရောက်ရောက်ချင်းညနေမှာပင် ထိုမြို့ကလေးက သူမအား စတင် ဖမ်းစားတော့သည်။ သူမနေထိုင်ရာ အခန်း၏ အိပ်ခန်းပြတင်းမှ လှမ်းကြည့်လိုက်လျှင် လှေခါးထစ်များကဲ့သို့ ဖြစ်နေသော အိမ်များအား လှမ်းမြင်နေရပြီး တစ်ထစ်နှင့် တစ်ထစ်အကြား ခြံစည်းရိုးသဖွယ် ကာထားသော အရိုး အပြိုင်းပြိုင်းနှင့် ထင်းရူးပင် များအားကြည့်ရသည်မှာ ကိုယ့်ပိုင်နက်ကို ကာကွယ်နေသူများသဖွယ် ... ထိုမှတစ်ဖန် ချိုင့်ဝှမ်းထဲမှ အိမ်များ ထင်းရူးပင်တန်များ ထိုမှတစ်ဆင့်ချင်း ပြန်တက်သွားသော အိမ်တန်းများ ... အိုး နေ၀င်ရီတရောမှာ လှနေလိုက်တဲ့ မြို့ကလေး။ ထိုအိမ်ခန်းလေး မျက်နှာမူရာမှာ အဝေးပြေးလမ်းမတစ်ခုလည်း ရှိနေသေးသည်။ ထိုအဝေးပြေးလမ်းမမှ ကားသံများ ကတော့ သူမအား အနည်းငယ် အနှောက်အယှက် ပေးလေသည်။ မြို့ပြမှာ နေခဲ့သော သူမအတွက်တော့ အဝေပြေးလမ်းမမှ အသံများသည် အရေးပေါ် လူနာတင်ကားများနှင့် ရဲကားသံများလောက် စိတ်အနှောက်အယှက် မပေးပေ။ ဗိုက်အနည်းငယ် ဆာလာသော အချိန်တွင် သူမ ထိုင်ရာမှထကာ မီးဖိုခန်းထဲသို့ ၀င်လာချိန်တွေ့ရသော မြင်ကွင်းကတော့ သူမအနှစ်သက်ဆုံးမြင်ကွင်းများထဲတွင် တစ်ခုအပါအ၀င်ဖြစ်သော အရိုး အပြိုင်းပြိုင်းနှင့် သစ်ပင် ဖြတ်ပိုင်းများ ပြတင်းပေါက်ဖက် အနည်းငယ်တိုးကြည့်လိုက်ပါက တစ်ပင်လုံးကို မြင်ရသော်လည်း သူမထိုင်ရာ ထမင်းစားပွဲမှ ကြည့်လျှင်တော့ သူမအလွန် နှစ်သက်သော မြင်ကွင်းလေးပါပဲ။ ပထမညနေရဲ့ ဒုတိယ အကြိမ်မှာတင် ထိုမြို့ကလေးက သူမအား အပြည့်အ၀ ဆွဲဆောင်ထားနေပေပြီ။
လမ်းလျှောက်သည်ကို နှစ်သက်သော သူမအဖို့တော့ နာရီဝက်ဆိုသော ခရီးသည် အပမ်းမကြီးလှပေ။ ထို့ကြောင့် နောက်နေ့ညနေရုံးဆင်းချိန်တွင် သူမ ဘတ်(စ်) ကား စီးမည့်အစား ဘူတာရုံမှ နေ၍ ခေတ္တ နေထိုင်ရာ ရိပ်မြုံလေးဆီသို့ လမ်းလျှောက်ပြန်ရန်ဆုံးဖြတ်လိုက်သည်။ သူမ ဆုံးဖြတ်ချက်မှန်ကန်သွားပါသည်။ အပြန်လမ်းသည် တောင်ကုန်းပေါ်မှ တဖြည်းဖြည်းချင်း ဆင်းလာသော လမ်းကလေး ဖြစ်သောကြောင့် မြို့ကလေး၏ အလှကိုပိုမြင်ရလေသည်။ ဘူတာရုံမှ ထွက်လာပြီး ဆယ်မိနစ်လောက်အထိတော့ မြို့ပြ၏ အငွေ့အသက်များနှင့်ဘာမှအခြား တိုက်များ၊ ကလေးကစားကွင်းနှင့် ပန်းခြံ။ အဲ တစ်ခုတော့ ထူးခြားပါသည် ထိုမြို့ကလေး၏ ကလေးကစားကွင်းနှင့် ပန်းခြံထဲတွင် ဆောင်းတွင်းဖြစ်သော်လည်း သက်ကြီးရွယ်အိုအချို့နှင့် ကလေး အချို့တို့ရှိနေသေးသည်။ ဆယ်မိနစ်ခန့် လျှောက်အပြီးတွင် သူမတစ်နေကုန် မောလာမျှတို့အား ပျောက်သွားစေနိုင်သည့် မြင်ကွင်းအား သူမတွေ့လိုက်ရပါသည်။ အကယ်၍ သူမသာ ပန်းချီဆရာ တစ်ယောက် ဖြစ်ခဲ့ပါက ဟူသော အတွေးမျိုး ၀င်လာနိုင်သည် အထိ ထိုမြင်ကွင်းက သူမအား ဖမ်းစားခဲ့ပါသည်။ ၀င်လုဆဲဆဲ နေရောင်အောက်မှ တောင်ကုန်း အောက်တွင် မြို့နှစ်မြို့ အကြား ဖြတ်သန်းစီးဆင်းနေသော မြစ်၊ ထိုမြစ်၏ တစ်ဖက်တစ်ချက်တွင် စီတန်းပေါက်နေသော အရိုးအပြိုင်းပြိုင်း သစ်ပင်များ သစ်ပင်များ၏ တစ်ဖက်စီတွင် အိမ်တန်းများနှင့် တိုက်တန်းများ ဟိုး တောင်တန်းများပေါ်မှ အိမ်များနှင့် သစ်ပင်တန်းများ အိုး ... လှလိုက်တဲ့ မြင်ကွင်း ...။ သူမအား ထိုမြို့ကလေးက ဖမ်းစားသော နောက်တစ်ခုမှာ ထိုမြို့ကလေးမှ လူများပင်ဖြစ်သည်။ သူတို့သည် မြို့ပြမှလူများကဲ့သို့ အချိန်ကိုလု အလုပ်မလုပ် ကြပေ။ တစ်ဦးနှင့် တစ်ဦး ဆုံသော အခါ အနည်းဆုံးတော့ ပြုံးပြနှုတ်ဆက် ကြသည်။ မျက်နှာစိမ်းဖြစ်သော သူမအားလည်း အနည်းဆုံးတော့ အသိအမှတ်ပြု ပြုံးပြသွားကြသည်။ ထိုအချိန်မှစ၍ သူမစိတ်ထဲတွင် နွေးထွေးခင်မင်စရာ ကောင်းသော ထိုမြို့ကလေးတွင် အခြေချနေလိုစိတ်များဖြင့် ပြည့်နှက် နေတော့သည်။ လုပ်ငန်းများပြီးစီး၍ ပြန်ချိန်ရောက်သောအခါ မြို့ကလေးအား စိတ်မကောင်းစွာဖြင့်ပင် သူမနှုတ်ဆက်ခဲ့ပါသည်။
မြို့ကလေးမှပြန်လာပြီးနောက် အသားမကျသေးသောနှလုံးသားဖြင့် မြို့ပြ၏ ပုံမှန်တစ်နေ့တာလုပ်ငန်းများထဲတွင် သူမ ဆက်လက်စီးမျောနေရပါသည်။ သို့နှင့် တစ်နေ့တွင်သူမ၏အထက်အရာရှိမှ ထိုမြို့ကလေးတွင် သူမလုပ်ဆောင်နေရသော တာဝန်များနှင့် သက်ဆိုင်သောအလုပ်လုပ်ရန်အတွက် လူတစ်ယောက် လိုနေကြောင်း ထိုနေရာတွင် လူစားမရမီ သူမ ခေတ္တ သွားလုပ်ပေးနိုင်ပါက လုပ်ပေးရန် အကူအညီတောင်းလာသောအခါ သူမ ၀မ်းမြောက်ဝမ်းသာဖြင့် လက်ခံခဲ့ ရုံသာမက ဖြစ်နိုင်ပါက သူမအား ထိုမြို့ကလေးတွင် အမြဲတမ်း ပြောင်းရွှေ့တာဝန်ထမ်းဆောင်နိုင်ရန် အကူအညီပေးနိုင်ပါက ပေးရန်ပါ တောင်းဆိုခဲ့မိပါသည်။
သေသောသူကြာရင်မေ့ ပျောက်သောသူ ရှာရင်တွေ့ ဆိုသည့် စကားပုံ ရှိသော်လည်း သေလည်း မသေ ပျောက်လည်း မပျောက်ဘဲ မြင်နေလျက်နှင့် ဘ၀ထဲက ထွက်ခွာသွားသူ အတွက်ကျတော့ဘယ်စကားပုံသုံးမလဲ? နေရာဒေသ အပြောင်းအလဲနှင့် အချိန်သည် ရင်ထဲမှဝေဒနာအား ကုစားပေးနိုင်ပါသလား? လုံးဝ ပျောက်ကင်းအောင် ကုစားမပေးနိုင်သော်လည်း အနည်းငယ်သက်သာလာအောင် တော့ ကုစားပေးနိုင်ကောင်းပါရဲ့ ဟူသော မျှော်လင့်ချက်ဖြင့် ကမ္ဘာမြေအား အဖော်လုပ်ကာ သူမချစ်သော မြို့ကလေးဆီသို့ ... ။
ချစ်သူ
